“Bebot” əslində təkcə makiyaj trendi deyil, sözün özü də maraqlı mövzudur. Bildiyimə görə “bebot” sözü “baby” sözündən yaranıb. Bəzi Asiya ölkələrində, xüsusilə Filippin tərəflərdə “bebot” daha çox “şirin qız”, “gözəl qız” kimi işlənir. Yəni kökündə uşaq kimi saf, şirin bir obraz dayanır.
Sonra bu söz internetdə başqa bir məna qazanıb. Artıq təkcə söz deyil, bir estetikadır. Burada əsas ilham Yaponiyanın “kawaii” dedikləri o şirin, kukla kimi stilindən gəlir. Bir az da Koreya makiyaj tərzinin təsiri var – parlaq dəri, çəhrayı allıq, təbii amma yenə də effektli görünüş. Bu stilin yayılmasında da ən böyük rolu TikTok oynadı, çünki hamı videolarla bir-birinə ötürdü.
“Bebot” görünüşündə əsas məsələ daha cazibəli olmaq yox, daha şirin görünməkdir. Gözlər iri göstərilir, yanaqlara bol allıq vurulur, dəri parlaq olur. Bir az realdan çıxıb, bir az da kukla effekti verilir. Yəni məqsəd daha çox “cute” vibe yaratmaqdır.
Məncə bu trend konkret bir ölkədən çıxmayıb, daha çox internetin qarışıq mədəniyyətindən yaranıb. Asiya şirinlik estetikası, Qərb transformasiya videoları, filtr mədəniyyəti – hamısı qarışıb bir şey olub. Ona görə də “Bebot” artıq sadəcə makiyaj deyil, bir stil, bir obraz kimidir.